Kedari Lebanoni nínú Bíbélì

• Solomoni sọ̀rọ̀ nípa igi, láti kedari Lebanoni dé hísópù ara ògiri1Ọb 4:33
  Àwọn ẹsẹ

  1Ọb 4:33Ó sì sọ̀rọ̀ ti igi, láti kedari tí ń bẹ ní Lebanoni dé Hísópù tí ń dàgbà lára ògiri. Ó sì tún sọ ti àwọn ẹranko àti ti àwọn ẹyẹ, àti ohun tí ń rákò àti ti ẹja.
• Saamu kan: a bu omi rin kedari Lebanoni dáradáraSm 104:16
  Àwọn ẹsẹ

  Sm 104:16Àwọn igi Olúwa ni a bu omi rin dáradára, kedari ti Lebanoni tí ó gbìn.
• Ní ìgbà Solomoni, kedari pọ̀ bí igi sikamore ní àfonífojì1Ọb 10:27, 2Kro 1:15
  Àwọn ẹsẹ

  1Ọb 10:27Ọba sì jẹ́ kí fàdákà pọ̀ ní Jerusalẹmu bí òkúta, àti igi kedari ni ó ṣe kí ó dàbí igi sikamore tí ń bẹ ní àfonífojì fún ọ̀pọ̀lọpọ̀.

  2Kro 1:15Ọba náà ṣe fàdákà àti wúrà gẹ́gẹ́ bí ó ti wọ́pọ̀ ní Jerusalẹmu bí òkúta, àti kedari ó pọ̀ bí igi sikamore ní àwọn ẹsẹ̀ òkè.
• Àwọn ènìyàn yóò fi kedari dípò igi sikamore tí a gé lulẹ̀Isa 9:10
  Àwọn ẹsẹ

  Isa 9:10Àwọn bíríkì ti wó lulẹ̀ ṣùgbọ́n a ó tún un kọ́ pẹ̀lú òkúta dídán, a ti gé àwọn igi sikamore lulẹ̀ ṣùgbọ́n igi kedari ní a ó fi dípò wọn.
• Kedari láti Lebanoni di òpó ọkọ̀ fún TireEl 27:5
  Àwọn ẹsẹ

  El 27:5Wọn ṣe gbogbo pákó rẹ ní igi junifa láti Seniri; wọ́n ti mú igi kedari láti Lebanoni wá láti fi ṣe òpó ọkọ̀ fún ọ.
• Igi kedari, hísópù àti òwú òdòdó wà fún ààtò ìwẹ̀mọ́Le 14:4, Nu 19:6
  Àwọn ẹsẹ

  Le 14:4Kí àlùfáà pàṣẹ pé kí a mú ààyè ẹyẹ mímọ́ méjì, igi kedari, òdòdó àti ẹ̀ka hísópù wá fún ẹni tí a fẹ́ wẹ̀mọ́.

  Nu 19:6Àlùfáà yóò mú igi kedari, hísópù àti òwú òdòdó yóò sì jù wọ́n sí àárín ọ̀dọ́ abo màlúù tí a ń sun.

Kíkọ́lé pẹ̀lú kedari

• Hiramu ọba Tire rán igi kedari, gbẹ́nàgbẹ́nà àti agbẹ́kùúta sí Dafidi fún ààfin rẹ̀2Sa 5:11
  Àwọn ẹsẹ

  2Sa 5:11Hiramu ọba Tire sì rán àwọn ìránṣẹ́ sí Dafidi, àti igi kedari, àti àwọn gbẹ́nàgbẹ́nà, àti àwọn tí ń gbẹ́ òkúta, wọ́n kọ́ ilé kan fún Dafidi.
• Dafidi: “Èmi nìyí, tí ń gbé inú ààfin kedari nígbà tí àpótí ẹ̀rí Olúwa wà lábẹ́ àgọ́”1Kro 17:1
  Àwọn ẹsẹ

  1Kro 17:1Lẹ́yìn ìgbà tí Dafidi ti fi ìdí kalẹ̀ sínú ààfin rẹ̀, ó sọ fún Natani wòlíì pé, “Èmi nìyí, tí ń gbé inú ààfin kedari nígbà tí àpótí ẹ̀rí Olúwa wà lábẹ́ àgọ́.”
• Solomoni béèrè kedari lọ́wọ́ Hiramu; kò sí ẹni tí ó mọ igi gé bí àwọn ará Sidoni1Ọb 5:6
  Àwọn ẹsẹ

  1Ọb 5:6“Nítorí náà ni kí o pàṣẹ pé kí wọn kí ó gé igi kedari Lebanoni fún mi wá. Àwọn ènìyàn mi yóò ṣiṣẹ́ pẹ̀lú tìrẹ, Èmi yóò sì san owó ọ̀yà tí ìwọ bá ránṣẹ́ fún àwọn ènìyàn rẹ. Ìwọ mọ̀ pé, a kò ní ẹnìkan nínú wa tí ó mọ bí a ti ń gé igi bí àwọn ará Sidoni.”
• A wọ́ igi náà lọ sí Òkun, a sì so wọ́n pọ̀ léfòó lórí omi1Ọb 5:8–9, 2Kro 2:16
  Àwọn ẹsẹ

  1Ọb 5:8–9Hiramu sì ránṣẹ́ sí Solomoni pé, “Èmi ti gbọ́ iṣẹ́ tí ìwọ rán sí mi, èmi yóò sì ṣe gbogbo èyí tí o fẹ́ ní pípèsè igi kedari àti ní ti igi firi. Àwọn ènìyàn mi yóò mú igi náà sọ̀kalẹ̀ láti Lebanoni wá sí Òkun, èmi ó sì fi wọ́n ránṣẹ́ sí ọ ní fífò lójú omi Òkun Ńlá títí dé ibi tí ìwọ ó na ìka sí fún mi. Níbẹ̀ ni èmi yóò ti yà wọ́n sọ́tọ̀, ìwọ yóò sì kó wọn lọ. Ìwọ yóò sì gba ìfẹ́ mi nípa pípèsè oúnjẹ fún ilé mi.”

  2Kro 2:16Àwa yóò sì gé gbogbo àwọn ìtí igi láti Lebanoni tí ìwọ yóò lò pẹ̀lú a ó gbé wọn fò lójú omi òkun lọ sí Joppa. Lẹ́yìn náà ìwọ lè kó wọn gòkè lọ sí Jerusalẹmu.”
• A san owó àwọn agégi Hiramu ní alikama, barle, ọtí wáìnì àti òróró olifi2Kro 2:10
  Àwọn ẹsẹ

  2Kro 2:10Èmi yóò fún àwọn ìránṣẹ́ rẹ, àwọn ọkùnrin agégi tí ó ń gé ìtì igi náà ni ogún ẹgbẹ̀rún (20,000), alikama ilẹ̀ àti ogún ẹgbẹ̀rún (20,000), ọ̀pọ̀lọpọ̀ ti barle; ogún ẹgbẹ̀rún (20,000), bati ọtí wáìnì àti ogún ẹgbẹ̀rún (20,000) bati òróró olifi.”
• Ọmọ Israẹli 30,000 ṣiṣẹ́ ní Lebanoni, 10,000 lóṣooṣù1Ọb 5:13–14
  Àwọn ẹsẹ

  1Ọb 5:13–14Solomoni ọba sì ṣa asìnrú ènìyàn jọ ní gbogbo Israẹli; àwọn tí ń sìnrú náà jẹ́ ẹgbàá mẹ́ẹ̀ẹ́dógún (30,000) ènìyàn. Ó sì rán wọn lọ sí Lebanoni, ẹgbẹ̀rún mẹ́wàá (10,000) lóṣooṣù, bẹ́ẹ̀ ni wọ́n lo oṣù kan ní Lebanoni, wọn a sì gbé ilé ní oṣù méjì. Adoniramu ni ó ṣe olórí àwọn asìnrú náà.
• Solomoni fún Hiramu ní ogún ìlú ní Galili nítorí kedari àti igi firi1Ọb 9:11
  Àwọn ẹsẹ

  1Ọb 9:11Solomoni ọba sì fi ogún ìlú ní Galili fún Hiramu ọba Tire, nítorí tí Hiramu ti bá a wá igi kedari àti igi firi àti wúrà gẹ́gẹ́ bí gbogbo ìfẹ́ rẹ̀.
• A fi ìtí igi àti pákó kedari bo ilé Olúwa1Ọb 6:9–10
  Àwọn ẹsẹ

  1Ọb 6:9–10Bẹ́ẹ̀ ni ó kọ́ ilé náà, ó sì parí rẹ̀, ó sì bo ilé náà pẹ̀lú àwọn ìtí igi àti pákó kedari. Ó sì kọ́ yàrá ẹ̀gbẹ́ sí gbogbo ilé náà. Gígùn ọ̀kọ̀ọ̀kan sì jẹ́ ìgbọ̀nwọ́ márùn-ún, ó sì so wọ́n mọ́ ilé náà pẹ̀lú ìtì igi kedari.
• Nínú rẹ̀, kedari tí a gbẹ́ ìrudí àti ìtànná sí; a kò rí òkúta kankan1Ọb 6:15, 1Ọb 6:18
  Àwọn ẹsẹ

  1Ọb 6:15Ó sì fi pákó kedari tẹ́ ògiri ilé náà nínú, láti ilẹ̀ ilé náà dé àjà rẹ̀, ó fi igi bò wọ́n nínú, ó sì fi pákó firi tẹ́ ilẹ̀ ilé náà.

  1Ọb 6:18Inú ilé náà sì jẹ́ kedari, wọ́n ṣe iṣẹ́ ọnà rẹ̀ pẹ̀lú ìrudí àti ìtànná. Gbogbo rẹ̀ sì jẹ́ kedari; a kò sì rí òkúta kan níbẹ̀.
• Àgbàlá inú: ẹsẹẹsẹ òkúta gbígbẹ mẹ́ta àti ẹsẹ̀ kan ìtí kedari1Ọb 6:36
  Àwọn ẹsẹ

  1Ọb 6:36Ó sì fi ẹsẹẹsẹ òkúta mẹ́ta gbígbẹ, àti ẹsẹ̀ kan ìtí kedari kọ́ àgbàlá ti inú lọ́hùn ún.
• Ilé igbó Lebanoni dúró lórí ọwọ́ mẹ́rin òpó kedari1Ọb 7:2–3
  Àwọn ẹsẹ

  1Ọb 7:2–3Ó kọ́ ilé igbó Lebanoni pẹ̀lú; gígùn rẹ̀ sì jẹ́ ọgọ́rùn-ún ìgbọ̀nwọ́, àti àádọ́ta ìgbọ̀nwọ́ ní ìbú rẹ̀ àti gíga rẹ̀ ọgbọ̀n ìgbọ̀nwọ́; pẹ̀lú ọwọ́ mẹ́rin igi kedari, àti ìdábùú igi kedari lórí òpó náà. A sì fi igi kedari tẹ́ ẹ lókè lórí yàrá tí ó jókòó lórí ọ̀wọ́n márùnlélógójì, mẹ́ẹ̀ẹ́dógún ní ọ̀wọ́.
• Àwọn tí ó padà láti ìgbèkùn kó igi kedari gba orí omi láti Lebanoni wá sí JoppaEsr 3:7
  Àwọn ẹsẹ

  Esr 3:7Nígbà náà ni wọ́n fún àwọn ọ̀mọ̀lé àti àwọn gbẹ́nàgbẹ́nà ní owó, wọ́n sì tún fi oúnjẹ, ohun mímu àti òróró fún àwọn ará Sidoni àti Tire, kí wọ́n ba à le è kó igi kedari gba ti orí omi Òkun láti Lebanoni wá sí Joppa, gẹ́gẹ́ bí Kirusi ọba Persia ti pàṣẹ.
• Ọba kan fi kedari bo ààfin rẹ̀, ó sì fi ohun aláwọ̀ pupa ṣe é lọ́ṣọ̀ọ́Jr 22:14
  Àwọn ẹsẹ

  Jr 22:14Ó wí pé, ‘Èmi ó kọ́ ààfin ńlá fún ara mi àwọn yàrá òkè tí ó fẹ̀, ojú fèrèsé rẹ̀ yóò tóbi.’ A ó sì fi igi kedari bò ó, a ó fi ohun aláwọ̀ pupa ṣe é ní ọ̀ṣọ́.
• “Ìtànṣán ilé wa jẹ́ ti igi kedari”Orin 1:17
  Àwọn ẹsẹ

  Orin 1:17Ìtànṣán ilé wa jẹ́ ti igi kedari ẹkẹ́ ilé wa jẹ́ ti igi firi.

Ọ̀rọ̀ ọlọ́gbọ́n àti àlọ́

• Àlọ́ Jehoaṣi: òṣùṣú béèrè ọmọbìnrin kedari2Ọb 14:9
  Àwọn ẹsẹ

  2Ọb 14:9Ṣùgbọ́n Jehoaṣi ọba Israẹli fèsì sí Amasiah ọba Juda: “Òṣùṣú kan ní Lebanoni rán iṣẹ́ sí kedari ní Lebanoni, ‘Fi ọmọbìnrin rẹ fún ọmọkùnrin mi ní ìgbéyàwó.’ Nígbà náà ẹranko ẹlẹ́sẹ̀ mẹ́rin tinú igbó ní Lebanoni wá pẹ̀lú ó sì fi ẹsẹ̀ tẹ òṣùṣú náà mọ́lẹ̀.
• Àlọ́ Jotamu: iná láti inú igi ẹ̀gún jó àwọn kedari runOn 9:15
  Àwọn ẹsẹ

  On 9:15“Igi ẹ̀gún dá àwọn igi lóhùn pé, ‘Bí olóòtítọ́ ni ẹ bá fẹ́ yàn mí ní ọba yín. Ẹ sá àsálà sí abẹ́ ibòòji mi; ṣùgbọ́n tí kì í bá ṣe bẹ́ẹ̀ jẹ́ kí iná jáde láti inú igi ẹ̀gún kí ó sì jó àwọn igi kedari àti ti Lebanoni run!’
• Ará Amori, tí gíga rẹ̀ dàbí kedari, tí ó sì le bí igi óákùAm 2:9
  Àwọn ẹsẹ

  Am 2:9“Mo pa àwọn ará Amori run níwájú wọn gíga ẹni tí ó dàbí igi kedari. Òun sì le koko bí igi óákù mo pa èso rẹ̀ run láti òkè wá àti egbò rẹ̀ láti ìsàlẹ̀ wá.
• Saamu kan: “wọn yóò dàgbà bí i igi kedari Lebanoni”Sm 92:12
  Àwọn ẹsẹ

  Sm 92:12Olódodo yóò gbèrú bí i igi ọ̀pẹ, wọn yóò dàgbà bí i igi kedari Lebanoni,
• “Ohùn Olúwa fa igi kedari”Sm 29:5
  Àwọn ẹsẹ

  Sm 29:5Ohùn Olúwa fa igi kedari; Olúwa náà ló fọ́ igi kedari Lebanoni ya.
• “Ìrísí rẹ̀ rí bí igi kedari Lebanoni”Orin 5:15
  Àwọn ẹsẹ

  Orin 5:15Ẹsẹ̀ rẹ̀ rí bí i òpó mabu tí a gbé ka ihò ìtẹ̀bọ̀ wúrà dáradára. Ìrísí rẹ̀ rí bí igi kedari Lebanoni, tí dídára rẹ̀ kò ní ẹgbẹ́.
• Àwọn kedari ń yọ̀: “kò sí agégi tí yóò wá láti gé wa lulẹ̀”Isa 14:8
  Àwọn ẹsẹ

  Isa 14:8Pẹ̀lúpẹ̀lú àwọn igi junifa àti àwọn igi kedari ti Lebanoni ń yọ̀ lórí rẹ wí pé, “Níwọ́n bí a ti rẹ̀ ọ́ sílẹ̀ báyìí, kò sí agégi tí yóò wá láti gé wa lulẹ̀.”
• “Hu, igi junifa; nítorí igi kedari ṣubú”Sek 11:2
  Àwọn ẹsẹ

  Sek 11:2Hu, igi junifa; nítorí igi kedari ṣubú, nítorí tí a ba àwọn igi tí o lógo jẹ́: hu, ẹ̀yin igi óákù tí Baṣani, nítorí gé igbó àjàrà lulẹ̀.