Ewúrẹ́ nínú Bíbélì

• Ewúrẹ́ wà lára àwọn ẹranko tí Israẹli lè jẹDe 14:4
  Àwọn ẹsẹ

  De 14:4Àwọn wọ̀nyí ni ẹranko tí ẹ lè máa jẹ: màlúù, àgùntàn àti ewúrẹ́,
• Rebeka fi ọmọ ewúrẹ́ méjì ṣe oúnjẹ àdídùn tí Isaaki fẹ́rànGẹ 27:9
  Àwọn ẹsẹ

  Gẹ 27:9Lọ sínú agbo ẹran, kí o sì mú ọmọ ewúrẹ́ méjì, kí ó lè ṣe oúnjẹ àdídùn fún baba rẹ, irú èyí tí ó fẹ́ràn dáradára.
• Awọ ewúrẹ́ lórí ọwọ́ àti ọrùn Jakọbu, kí ó lè dàbí EsauGẹ 27:16
  Àwọn ẹsẹ

  Gẹ 27:16Ó sì fi awọ ewúrẹ́ wọ̀n-ọn-nì bo ọwọ́ àti ibi tí ọ̀bọ̀rọ́ ọrùn.
• Àwọn arákùnrin Josẹfu tẹ aṣọ rẹ̀ bọ inú ẹ̀jẹ̀ ewúrẹ́Gẹ 37:31
  Àwọn ẹsẹ

  Gẹ 37:31Nígbà náà ni wọ́n mú aṣọ Josẹfu, wọ́n pa ewúrẹ́ kan, wọ́n sì tẹ aṣọ náà bọ inú ẹ̀jẹ̀ ewúrẹ́ náà.
• Juda ṣèlérí ọmọ ewúrẹ́ kan láti inú agbo rẹ̀ bí owóGẹ 38:17, Gẹ 38:20
  Àwọn ẹsẹ

  Gẹ 38:17Ó sì wí pé, “Èmi yóò fi ọmọ ewúrẹ́ kan ránṣẹ́ sí ọ láti inú agbo ẹran.” Obìnrin náà sì dáhùn pé, “Ṣé ìwọ yóò fún mi ní ohun kan gẹ́gẹ́ bí ẹ̀rí títí tí ìwọ yóò fi fi ránṣẹ́?”

  Gẹ 38:20Juda sì rán ọmọ ewúrẹ́ náà láti ọwọ́ ọ̀rẹ́ rẹ̀, ará Adullamu náà lọ láti gba ògo n nì wá lọ́wọ́ obìnrin náà. Ṣùgbọ́n wọn kò bá obìnrin náà níbẹ̀.
• Ẹ̀bùn Jakọbu fún Esau ní abo ewúrẹ́ 200 àti òbúkọ 20Gẹ 32:14
  Àwọn ẹsẹ

  Gẹ 32:14Igba ewúrẹ́, ogún òbúkọ, igba àgùntàn, ogún àgbò,
• Gideoni pèsè ọ̀dọ́ ewúrẹ́ kan: ẹran nínú agbọ̀n, ọbẹ̀ nínú ìkòkòOn 6:19
  Àwọn ẹsẹ

  On 6:19Gideoni sì yára wọ ilé lọ, ó sì pa ọ̀dọ́ ewúrẹ́ kan, wọ́n sì sè é, ó sì mú ìyẹ̀fun efa kan, ó fi ṣe àkàrà aláìwú. Ó gbé ẹran náà sínú agbọ̀n, ṣùgbọ́n ó fi ọbẹ̀ rẹ̀ sínú ìkòkò, ó gbé wọn jáde tọ angẹli náà wá bí ọrẹ lábẹ́ igi óákù.
• Manoa fi ọ̀dọ́ ewúrẹ́ rú ẹbọ lórí àpátaOn 13:19
  Àwọn ẹsẹ

  On 13:19Lẹ́yìn náà ni Manoa mú ọ̀dọ́ ewúrẹ́, pẹ̀lú ẹbọ ọkà, ó sì fi rú ẹbọ lórí àpáta kan sí Olúwa. Nígbà tí Manoa àti ìyàwó dúró tí wọn ń wò Olúwa ṣe ohun ìyanu kan.
• Jese fi àkàrà, ìgò ọtí wáìnì àti ọmọ ewúrẹ́ rán Dafidi sí Saulu1Sa 16:20
  Àwọn ẹsẹ

  1Sa 16:20Jese sì mú kẹ́tẹ́kẹ́tẹ́ ti a di ẹrù lé àti ìgò ọtí wáìnì àti ọmọ ewúrẹ́; ó sì rán wọn nípa ọwọ́ Dafidi ọmọ rẹ̀ sí Saulu.
• Nabali ará Karmeli ní ẹgbẹ̀rún ewúrẹ́1Sa 25:2
  Àwọn ẹsẹ

  1Sa 25:2Ọkùnrin kan sì ń bẹ ní Maoni, ẹni tí iṣẹ́ rẹ̀ ń bẹ ní Karmeli; ọkùnrin náà sì ní ọrọ̀ púpọ̀, ó sì ní ẹgbẹ̀rún mẹ́ta (3,000) àgùntàn, àti ẹgbẹ̀rún (1,000) ewúrẹ́: ó sì ń rẹ irun àgùntàn rẹ̀ ní Karmeli.
• Ẹ̀gbọ́n: “ìwọ kò sì tí ì fi ọmọ ewúrẹ́ kan fún mi”Lk 15:29
  Àwọn ẹsẹ

  Lk 15:29Ó sì dáhùn ó wí fún baba rẹ̀ pé, ‘Wò ó, láti ọdún mélòó wọ̀nyí ni èmi ti ń sìn ọ́, èmi kò sì rú òfin rẹ rí, ìwọ kò sì tí ì fi ọmọ ewúrẹ́ kan fún mi, láti fi bá àwọn ọ̀rẹ́ mi ṣe àríyá.
• Ọ̀pọ̀lọpọ̀ wàrà ewúrẹ́ láti bọ́ ìdíléÒw 27:27
  Àwọn ẹsẹ

  Òw 27:27Ìwọ yóò ní ọ̀pọ̀lọpọ̀ wàrà ewúrẹ́ láti bọ́ ọ àti ìdílé rẹ àti láti tọ́jú àwọn ìránṣẹ́bìnrin rẹ.
• Ewúrẹ́ ń pèsè owó okoÒw 27:26
  Àwọn ẹsẹ

  Òw 27:26àwọn àgùntàn yóò pèsè aṣọ fún ọ, àti ewúrẹ́ yóò pèsè owó oko.

Irun ewúrẹ́

• Aṣọ títa irun ewúrẹ́ mọ́kànlá ni a fi bo àgọ́ lórí àgọ́ ìpàdéEk 26:7, Ek 36:14
  Àwọn ẹsẹ

  Ek 26:7“Ìwọ ó sì ṣe aṣọ títa irun ewúrẹ́ láti fi ṣe ìbò sórí àgọ́ náà—aṣọ títa mọ́kànlá ni ìwọ ó ṣe é.

  Ek 36:14Ìwọ ó sì ṣe aṣọ títa irun ewúrẹ́ láti fi ṣe ìbò sórí àgọ́ náà—aṣọ títa mọ́kànlá ni ìwọ ó ṣe é.
• Àwọn obìnrin ọlọ́gbọ́n ran òwú irun ewúrẹ́Ek 35:26
  Àwọn ẹsẹ

  Ek 35:26Gbogbo àwọn obìnrin tí ó fẹ́, tí ó sì ní ọgbọ́n ń ran òwú irun ewúrẹ́.
• Mikali fi irun ewúrẹ́ sí orí ère tí ó tẹ́ sórí ibùsùn Dafidi1Sa 19:13
  Àwọn ẹsẹ

  1Sa 19:13Mikali gbé ère ó sì tẹ́ e lórí ibùsùn, ó sì fi irun ewúrẹ́ sí ibi orí rẹ̀.
• A ya gbogbo ohun tí a fi irun ewúrẹ́ ṣe sí mímọ́ lẹ́yìn ogun pẹ̀lú MidianiNu 31:20
  Àwọn ẹsẹ

  Nu 31:20Kí ẹ̀yin kí ó ya aṣọ yín sí mímọ́ àti gbogbo ohun tí a fi awọ ṣe àti gbogbo iṣẹ́ irun ewúrẹ́ àti ohun tí a fi igi ṣe.”

Nínú Òfin

• A lè mú ọ̀dọ́-àgùntàn ìrékọjá láti inú àgùntàn tàbí ewúrẹ́Ek 12:5
  Àwọn ẹsẹ

  Ek 12:5Ọ̀dọ́-àgùntàn tí ìwọ yóò mú gbọdọ̀ jẹ́ akọ ọlọ́dún kan tí kò lábùkù, ìwọ lè mú lára àgbò tàbí ewúrẹ́.
• Josiah fi ọ̀dọ́-àgùntàn àti ọmọ ewúrẹ́ 30,000 fún ìrékọjá2Kro 35:7
  Àwọn ẹsẹ

  2Kro 35:7Josiah sì pàṣẹ fún gbogbo àwọn ènìyàn tí ó dùbúlẹ̀ tí ó wà níbẹ̀ iye rẹ̀ jẹ ẹgbàá mẹ́ẹ̀ẹ́dógún (30,000) ọ̀dọ́-àgùntàn àti ọmọ ewúrẹ́ fún ẹbọ ìrékọjá, àti pẹ̀lú ẹgbẹ̀rún mẹ́ta (3,000) akọ màlúù, gbogbo wọ̀nyí jẹ́ ohun ìní láti ọ̀dọ̀ ọba.
• Ọmọ ewúrẹ́ tuntun ń wà pẹ̀lú ìyá rẹ̀ fún ọjọ́ méjeLe 22:27
  Àwọn ẹsẹ

  Le 22:27“Nígbà tí màlúù bá bímọ, tí àgùntàn bímọ, tí ewúrẹ́ sì bímọ, ọmọ náà gbọdọ̀ wà pẹ̀lú ìyá rẹ̀ fún ọjọ́ méje. Láti ọjọ́ kẹjọ ni ó ti di ìtẹ́wọ́gbà fún ọrẹ àfinásun sí Olúwa.
• “Ìwọ kò gbọdọ̀ bọ ọmọ ewúrẹ́ nínú omi ọmú ìyá rẹ̀”Ek 23:19
  Àwọn ẹsẹ

  Ek 23:19“Mú àkọ́ká èso ilẹ̀ rẹ tí ó dára jùlọ wá sí ilé Olúwa Ọlọ́run rẹ. “Ìwọ kò gbọdọ̀ bọ ọmọ ewúrẹ́ nínú omi ọmú ìyá rẹ̀.
• Ọjọ́ ètùtù: ìbò fún ewúrẹ́ méjì; a tú ọ̀kan sílẹ̀ sínú aginjùLe 16:8–10, Le 16:21–22
  Àwọn ẹsẹ

  Le 16:8–10Aaroni yóò sì dìbò ní ti àwọn ewúrẹ́ méjèèjì náà, ìbò àkọ́kọ́ fún ti Olúwa, àti èkejì fún ewúrẹ́ ìpààrọ̀. Aaroni yóò sì mú ewúrẹ́ tí ìbò Olúwa mú, yóò sì fi rú ẹbọ ẹ̀ṣẹ̀. Ṣùgbọ́n ewúrẹ́ tí ìbò bá mú gẹ́gẹ́ bí ewúrẹ́ ìpààrọ̀ ni a ó mú wá láààyè síwájú Olúwa láti fi ṣe ètùtù sí i àti láti jẹ́ kí ó lọ lọ́fẹ̀ẹ́, sí aginjù.

  Le 16:21–22Aaroni yóò sì gbé ọwọ́ rẹ̀ méjèèjì lé orí ààyè ewúrẹ́ náà, yóò sì jẹ́wọ́ gbogbo ìwà búburú àti ìṣọ̀tẹ̀ àwọn ara Israẹli lé e lórí. Gbogbo ìrékọjá wọn àti ẹ̀ṣẹ̀ wọn ni yóò sì gbé ka orí ewúrẹ́ náà. Yóò sì rán an lọ sí ijù láti ọwọ́ ẹni tí a yàn fún iṣẹ́ náà. Ewúrẹ́ náà yóò sì ru gbogbo àìṣedéédéé wọn lọ sí ilẹ̀ tí ènìyàn kò gbé. Òun yóò sì jọ̀wọ́ ewúrẹ́ náà lọ́wọ́ lọ sínú ijù.

Ewúrẹ́ igbó

• “Àwọn òkè gíga ni ààbò fún àwọn ewúrẹ́ igbó”Sm 104:18
  Àwọn ẹsẹ

  Sm 104:18Àwọn òkè gíga ni ààbò fún àwọn ewúrẹ́ igbó; àti àwọn àlàpà jẹ́ ààbò fún àwọn ehoro.
• Saulu wá Dafidi kiri lórí òkúta àwọn ewúrẹ́ igbó1Sa 24:2
  Àwọn ẹsẹ

  1Sa 24:2Saulu sì mú ẹgbẹ̀rún mẹ́ta (3,000) akọni ọkùnrin tí a yàn nínú gbogbo Israẹli ó sì lọ láti wá Dafidi àti àwọn ọmọkùnrin rẹ̀ lórí òkúta àwọn ewúrẹ́ igbó.
• “Ìwọ mọ àkókò ìgbà tí àwọn ewúrẹ́ orí àpáta ń bímọ?”Jb 39:1
  Àwọn ẹsẹ

  Jb 39:1“Ìwọ mọ àkókò ìgbà tí àwọn ewúrẹ́ orí àpáta ń bímọ? Ìwọ sì lè kíyèsi ìgbà tí abo àgbọ̀nrín ń bímọ?
• Ẹranko igbó tí a lè jẹ: àgbọ̀nrín, èsúró, etu, ẹfọ̀n àti àgùntàn igbóDe 14:5
  Àwọn ẹsẹ

  De 14:5àgbọ̀nrín, èsúró, etu, àgóró, ẹfọ̀n, ìgalà àti àgùntàn igbó.

Ọ̀rọ̀ ọlọ́gbọ́n

• Irun: “Irun rẹ rí bí i ọ̀wọ́ ewúrẹ́ tí ó sọ̀kalẹ̀ wá láti Gileadi”Orin 4:1, Orin 6:5
  Àwọn ẹsẹ

  Orin 4:1Báwo ni ìwọ ti lẹ́wà tó olólùfẹ́ mi! Háà, ìwọ jẹ́ arẹwà! Ìwọ ní ojú àdàbà lábẹ́ ìbòjú rẹ irun rẹ bò ọ́ lójú bí ọ̀wọ́ ewúrẹ́. Tí ó sọ̀kalẹ̀ lórí òkè Gileadi.

  Orin 6:5Yí ojú rẹ kúrò lára mi; nítorí ojú rẹ borí mi. Irun rẹ rí bí i ọ̀wọ́ ewúrẹ́ tí ó sọ̀kalẹ̀ wá láti Gileadi.
• Òbúkọ, lára àwọn ohun tí ń rìn lọ́nà tí ó dáraÒw 30:29–31
  Àwọn ẹsẹ

  Òw 30:29–31“Àwọn ohun mẹ́ta ní ń bẹ tí ń rìn rere, ohun mẹ́rin ni ó dára púpọ̀ ní ìrìn rírìn: Kìnnìún, alágbára láàrín ẹranko tí kì í sá fún ohunkóhun Ẹsin tí a dì lẹ́gbẹ̀ẹ́; àti òbúkọ, àti ọba láàrín àwọn ènìyàn rẹ̀.
• “gẹ́gẹ́ bí olùṣọ́-àgùntàn ṣe é ya àgùntàn kúrò lára àwọn ewúrẹ́”Mt 25:32
  Àwọn ẹsẹ

  Mt 25:32Gbogbo orílẹ̀-èdè ni a ó kójọ níwájú rẹ̀, òun yóò sì ya àwọn ènìyàn ayé sí ọ̀tọ̀ gẹ́gẹ́ bí olùṣọ́-àgùntàn ṣe é ya àgùntàn kúrò lára àwọn ewúrẹ́.
• Samsoni fa kìnnìún ya bí ẹni ya ọmọ ewúrẹ́On 14:6
  Àwọn ẹsẹ

  On 14:6Ẹ̀mí Olúwa sì bà lé e pẹ̀lú agbára tó bẹ́ẹ̀ tí ó fi fa kìnnìún náà ya pẹ̀lú ọwọ́ rẹ̀ lásán bí ẹní ya ọmọ ewúrẹ́, ṣùgbọ́n òun kò sọ ohun tí ó ṣe fún baba tàbí ìyá rẹ̀.