Ìgbésí ayé ojoojúmọ́
Oorun nínú Bíbélì
Àwọn àyọkà Bíbélì Mímọ́ ní Èdè Yorùbá Òde-Òní (34), ìlà sí ìlà, láti inú Nave’s Topical Bible.
Ọ̀rọ̀ ọgbọ́n
- Ó ń fi oorun fún olùfẹ́ rẹ̀Sm 127:2
Àwọn ẹsẹ
Sm 127:2Asán ni fún ẹ̀yin ti ẹ dìde ní kùtùkùtù láti pẹ́ dùbúlẹ̀, láti jẹ oúnjẹ làálàá; bẹ́ẹ̀ ni ó ń fi ìre fún olùfẹ́ rẹ̀ lójú ọ̀run.
- “Èmi yóò dùbúlẹ̀, èmi ó sì sùn ní àlàáfíà”Sm 4:8, Sm 3:5
- Nígbà tí ìwọ bá dùbúlẹ̀, oorun rẹ yóò dùnÒw 3:24
Àwọn ẹsẹ
Òw 3:24Nígbà tí ìwọ bá dùbúlẹ̀, ìwọ kì yóò bẹ̀rù, nígbà tí ìwọ bá dùbúlẹ̀, oorun rẹ yóò jẹ́ oorun ayọ̀.
- Oorun alágbàṣe a máa dùn; ọ̀pọ̀ ọrọ̀ ọlọ́rọ̀ kì í jẹ́ kí ó sùnSu 5:12
Àwọn ẹsẹ
Su 5:12Oorun alágbàṣe a máa dùn, yálà ó jẹun kékeré ni tàbí ó jẹun púpọ̀, ṣùgbọ́n ọ̀pọ̀ ọ̀rọ̀ ọlọ́rọ̀ kì í jẹ́ kí ó sùn rárá.
- Má ṣe fẹ́ràn oorun, àìṣe bẹ́ẹ̀ ìwọ yóò di tálákàÒw 20:13
Àwọn ẹsẹ
Òw 20:13Má ṣe fẹ́ràn oorun, àìṣe bẹ́ẹ̀ ìwọ yóò di tálákà. Ma ṣe sùn ìwọ yóò sì ní oúnjẹ láti tún fi tọrọ.
- “Oorun díẹ̀, òògbé díẹ̀, ìkáwọ́gbera láti sinmi díẹ̀”Òw 6:9–10, Òw 24:33
- Ọ̀lẹ ṣíṣe máa ń fa oorun sísùn fọnfọnÒw 19:15
Àwọn ẹsẹ
Òw 19:15Ọ̀lẹ ṣíṣe máa ń fa oorun sísùn fọnfọn, ebi yóò sì máa pa ènìyàn tí ó lọ́ra.
- Ẹni tí ń pa Israẹli mọ́ kì í tòògbé bẹ́ẹ̀ ni kì í sùnSm 121:4
Àwọn ẹsẹ
Sm 121:4Kíyèsi, ẹni tí ń pa Israẹli mọ́, kì í tòògbé bẹ́ẹ̀ ni kì í sùn.
- Elijah fi àwọn wòlíì Baali ṣe ẹlẹ́yà: bóyá ó sùn ni1Ọb 18:27
Àwọn ẹsẹ
1Ọb 18:27Ní ọ̀sán gangan, Elijah bẹ̀rẹ̀ sí ń fi wọ́n ṣe ẹlẹ́yà ó sì wí pé, “Ẹ kígbe lóhùn rara Ọlọ́run sá à ni òun! Bóyá ó ń ṣe àṣàrò, tàbí kò ráyè, tàbí ó re àjò. Bóyá ó sùn, ó yẹ kí a jí i.”
- Ẹ̀jẹ́ kan: kò sí oorun títí a ó fi rí ibùgbé fún OlúwaSm 132:3–5
Àwọn ẹsẹ
Sm 132:3–5Nítòótọ́, èmi kì yóò wọ inú àgọ́ ilé mi lọ, bẹ́ẹ̀ èmi kì yóò gun orí àkéte mi. Èmi kì yóò fi oorun fún ojú mi, tàbí òògbé fún ìpéǹpéjú mi, títí èmi ó fi rí ibi fún Olúwa, ibùjókòó fún alágbára Jakọbu.
Àpẹẹrẹ
- Adamu sùn fọnfọnGẹ 2:21
Àwọn ẹsẹ
Gẹ 2:21Nígbà náà ni Olúwa Ọlọ́run mú kí ọkùnrin náà sùn fọnfọn; nígbà tí ó sì ń sùn, Ọlọ́run yọ egungun ìhà rẹ̀ kan, ó sì fi ẹran-ara bò ó padà.
- Abramu sùn lọ fọnfọn bí oòrùn ti ń wọ̀Gẹ 15:12
Àwọn ẹsẹ
Gẹ 15:12Bí oòrùn ti ń wọ̀, Abramu sùn lọ fọnfọn, òkùnkùn biribiri tí ó kún fún ẹ̀rù sì bò ó.
- Jakọbu sùn pẹ̀lú òkúta lábẹ́ orí rẹ̀Gẹ 28:11
Àwọn ẹsẹ
Gẹ 28:11Nígbà tí ó dé ibìkan, ó dúró ní òru náà nítorí tí ilẹ̀ ti ń ṣú, ó sì gbé òkúta kan ó fi ṣe ìrọ̀rí, ó sì sùn.
- Jakọbu: òtútù ń pa mí lóru, oorun sì sá kúrò lójú miGẹ 31:40
Àwọn ẹsẹ
Gẹ 31:40Báyìí ni mo wà; oòrùn ń pa mi lọ́sàn án, òtútù ń pa mi lóru, mo sì ń ṣe àìsùn.
- Jaeli pa Sisera nígbà tí ó sùn fọnfọn nítorí àárẹ̀On 4:21
Àwọn ẹsẹ
On 4:21Ṣùgbọ́n Jaeli ìyàwó Heberi mú ìṣó àgọ́ tí ó mú àti òòlù ní ọwọ́ rẹ̀, ó sì yọ́ wọ inú ibi tí ó sùn, nígbà tí ó ti sùn fọnfọn, nígbà náà ni ó kan ìṣó náà mọ́ òkè ìpéǹpéjú rẹ̀, ó sì wọlé ṣinṣin, ó sì kú.
- Dẹlila mú kí Samsoni sùn lórí itan rẹ̀On 16:19
Àwọn ẹsẹ
On 16:19Òun sì mú kí Samsoni sùn lórí itan rẹ̀, òun sì pe ọkùnrin kan láti fá àwọn ìdì irun orí rẹ̀ méjèèje, òun sì bẹ̀rẹ̀ sí ṣẹ́gun rẹ̀. Agbára rẹ̀ sì fi í sílẹ̀ lọ.
- Boasi sùn lẹ́yìn òkìtì ọkà; ní ọ̀gànjọ́ òru ó rí RutuRu 3:7–8
Àwọn ẹsẹ
Ru 3:7–8Nígbà tí Boasi parí jíjẹ àti mímu tán, tí ọkàn rẹ̀ sì kún fún ayọ̀. Ó lọ, ó sì dùbúlẹ̀ ní ẹ̀yìn ọkà tí wọ́n kójọ. Rutu yọ́ kẹ́lẹ́kẹ́lẹ́ lọ sí ibẹ̀, ó ṣí aṣọ ẹsẹ̀ rẹ̀ sókè, ó sì sùn sí ibi ẹsẹ̀ rẹ̀. Ó sì ṣe nígbà tí ọkùnrin náà tají ní àárín òru, ẹ̀rù bà á, ó sì yí ara padà, ó sì ṣàkíyèsí obìnrin kan tí ó sùn sí ibi ẹsẹ̀ rẹ̀.
- Dafidi mú ọ̀kọ̀ àti ìgò omi lọ́dọ̀ Saulu tí ó ń sùn1Sa 26:7, 1Sa 26:12
Àwọn ẹsẹ
1Sa 26:7Bẹ́ẹ̀ ni Dafidi àti Abiṣai sì tọ àwọn ènìyàn náà wá lóru: sì wò ó, Saulu dùbúlẹ̀ ó sì ń sùn láàrín kẹ̀kẹ́, a sì fi ọ̀kọ̀ rẹ̀ gúnlẹ̀ ni ibi tìmùtìmù rẹ̀: Abneri àti àwọn ènìyàn náà sì dùbúlẹ̀ yí i ká.
1Sa 26:12Dafidi sì mú ọ̀kọ̀ náà àti ìgò omi náà kúrò níbi tìmùtìmù Saulu: wọ́n sì bá tiwọn lọ, kò sì sí ẹnìkan tí ó rí i, tàbí tí ó mọ̀: kò sì sí ẹnìkan tí ó jí; gbogbo wọn sì sùn; nítorí pé oorun èjìká láti ọ̀dọ̀ Olúwa wá ti ṣubú lù wọ́n.
- A pa Iṣboṣeti nígbà tí ó ń sinmi ní ọ̀sán gangan2Sa 4:5
Àwọn ẹsẹ
2Sa 4:5Àwọn ọmọ Rimoni, ará Beeroti, Rekabu àti Baanah sì lọ wọ́n sì wá síh ilé Iṣboṣeti ní ọ̀sán gangan, òun sì sinmi lórí ibùsùn kan ní ọjọ́-kanrí.
- Elijah sùn lọ lábẹ́ igi ọwọ̀ kan1Ọb 19:5
Àwọn ẹsẹ
1Ọb 19:5Nígbà náà ni ó dùbúlẹ̀ lábẹ́ igi, ó sì sùn lọ. Sì wò ó, angẹli fi ọwọ́ tọ́ ọ, ó sì wí pé, “Dìde, kí o jẹun.”
- Ahaswerusi tí kò lè sùn ní kí wọ́n ka ìwé ìrántí ìjọba sí òun létíEt 6:1
Àwọn ẹsẹ
Et 6:1Ní òru ọjọ́ náà ọba kò le è sùn; nítorí náà, ó pàṣẹ kí wọn mú ìwé ìrántí wá, àkọsílẹ̀ ìjọba rẹ̀, wọ́n mú un wá wọ́n sì kà á sí létí.
- Àlá Nebukadnessari: oorun dá a lóró, kò sì le è sùnDa 2:1
Àwọn ẹsẹ
Da 2:1Ní ọdún kejì ìjọba Nebukadnessari, ó lá àlá, èyí tí ó mú kí ọkàn an rẹ̀ dàrú, kò sì le è sùn.
- Dariusi kò le è sùn nígbà tí Daniẹli wà pẹ̀lú àwọn kìnnìúnDa 6:18
Àwọn ẹsẹ
Da 6:18Nígbà náà ni ọba padà sí ààfin rẹ̀, ó sì lo gbogbo òru náà láì jẹun, kò sì gbọ́ orin kankan, bẹ́ẹ̀ ni kò sì le è sùn ní òru ọjọ́ náà.
- Jona sùn wọra ní ìsàlẹ̀ ọkọ̀ nígbà ìjìJon 1:5
Àwọn ẹsẹ
Jon 1:5Nígbà náà ni àwọn atukọ̀ bẹ̀rù, olúkúlùkù sì ń kígbe sí ọlọ́run rẹ̀, wọ́n kó ẹrù tí ó wà nínú ọkọ̀ dà sínú Òkun, kí ó bá à lè fúyẹ́. Ṣùgbọ́n Jona sọ̀kalẹ̀ lọ sí ìsàlẹ̀ ọkọ̀ ó sì dùbúlẹ̀, ó sùn wọra.
- Jesu sùn lórí ìrọ̀rí lẹ́yìn ọkọ̀ nígbà ìjìMt 8:24, Mk 4:38, Lk 8:23
Àwọn ẹsẹ
Mt 8:24Ní àìròtẹ́lẹ̀, ìjì líle dìde lórí Òkun tó bẹ́ẹ̀ tí rírú omi fi bò ọkọ̀ náà mọ́lẹ̀; ṣùgbọ́n Jesu ń sùn.
Mk 4:38Jesu ti sùn lọ lẹ́yìn ọkọ̀, ó gbé orí lé ìrọ̀rí. Wọ́n sì jí i lóhùn rara wí pé, “Olùkọ́ni, tàbí ìwọ kò tilẹ̀ bìkítà pé gbogbo wa fẹ́ rì?”
Lk 8:23Bí wọ́n sì ti ń lọ, ó sùn; ìjì ńlá sì dé, ó ń fẹ́ lójú adágún; omi si wọ inú ọkọ, wọ́n sì wà nínú ewu.
- Àwọn ọmọ-ẹ̀yìn sùn lọ ní GetsemaneMt 26:40–43, Lk 22:45
Àwọn ẹsẹ
Mt 26:40–43Bí ó ti padà sọ́dọ̀ àwọn ọmọ-ẹ̀yìn rẹ̀ mẹ́tẹ̀ẹ̀ta, ó bá wọn, wọ́n ń sùn. Ó kígbe pé, “Peteru, ẹ̀yin kò tilẹ̀ lè bá mi ṣọ́nà fún wákàtí kan? Ẹ máa ṣọ́ra, kí ẹ sì máa gbàdúrà kí ẹ̀yin má ba à bọ́ sínú ìdẹwò. Nítorí ẹ̀mí ń fẹ́ nítòótọ́, ṣùgbọ́n ó ṣe àìlera fún ara.” Ó tún fi wọ́n sílẹ̀ nígbà kejì, ó sí gbàdúrà pé, “Baba mi, bí ago yìí kò bá lè ré mi lórí kọjá bí kò ṣe pé mo bá mu ún, ìfẹ́ tìrẹ ni kí a ṣe.” Nígbà tí ó tún padà dé sọ́dọ̀ wọn, Ó rí i pé wọn ń sùn, nítorí ojú wọn kún fún oorun.
Lk 22:45Nígbà tí ó sì dìde kúrò ní ibi àdúrà, tí ó sì tọ àwọn ọmọ-ẹ̀yìn rẹ̀ wá, ó bá wọn, wọ́n ń sùn nítorí ìbànújẹ́ ti mu kí ó rẹ̀ wọ́n.
- Peteru sùn nínú túbú láàrín ọmọ-ogun méjìÌṣe 12:6
Àwọn ẹsẹ
Ìṣe 12:6Ní òru náà gan an ti Herodu ìbá sì mú un jáde, Peteru ń sùn láàrín àwọn ọmọ-ogun méjì, a fi ẹ̀wọ̀n méjì dè é, ẹ̀ṣọ́ sí wà ní ẹnu-ọ̀nà, wọ́n ń ṣọ́ túbú náà.
- Oorun wọ Eutiku lára nígbà tí Paulu ń wàásù, ó sì ṣubú láti ojú fèrèséÌṣe 20:9
Àwọn ẹsẹ
Ìṣe 20:9Ọ̀dọ́mọkùnrin kan tí a ń pè ní Eutiku sì jókòó lójú fèrèsé, oorun sì wọ̀ ọ́ lára; bí Paulu sì ti pẹ́ ní ìwàásù, ó ta gbọ̀nọ́ngbọ̀nọ́n lójú oorun, ó ṣubú láti òkè kẹta wá sílẹ̀, a sì gbé e dìde ní òkú.
Orísun
Láti Nave’s Topical Bible (Orville J. Nave, 1896; ohun ìní gbogbo ènìyàn): a yan àwọn àkòrí, a ké àwọn ìlà kúrú, a sì kọ wọ́n ní ọ̀rọ̀ òde òní, a fi àwọn ìlà ìtumọ̀ sílẹ̀; a ṣàyẹ̀wò ẹsẹ kọ̀ọ̀kan.
Bíbélì Mímọ́ ní Èdè Yorùbá Òde-Òní · © 2009, 2017 Biblica, Inc., CC BY-SA 4.0; changed: footnotes, headings and the letters over Psalm 119 left out, verses in the app's numbering. The original work by Biblica, Inc. is available for free at www.biblica.com and open.bible.