Pieal

Pieal na-etolite nʼime mkpokoro ụfọdụ anụ mmiri, dịka oyster pieal, ọ pụkwara ịcha ọcha maọbụ nwee agwa ndị ọzọ. Nʼụwa ochie, pieal si nʼoke osimiri na-ekpo ọkụ nke ọwụwa anyanwụ — Oke osimiri Uhie, Gulf Peshịa na Oke Osimiri India — ma site nʼazụmahịa rute Mediterenịa, ya mere ha dị oke ọnụahịa. Ma Agba Ochie na-ekwu maka pieal edoghị anya. Okwu Hibru peninim, nke BSB sụgharịrị “rubies” (Ilu 3:15), ka a ghọtakwara dịka kọral maọbụ pieal, dịka otu echiche si dị kwa, peninim na-acha uhie uhie nke Abụ Akwa 4:7 bụ pieal pink nke Oke osimiri Uhie.

Ka ọ na-erule oge Agba Ọhụrụ, pieal so nʼihe ịchọ mma kachasị dị oke ọnụahịa, nke ndị inyom bara ọgaranya na-eyi (1 Timoti 2:9), ndị ahịa na-azụkwa ha ahịa. Jisọs kọrọ maka onye ahịa na-achọ pieal mara mma, onye rere ihe niile o nwere iji zụta otu pieal dị oke ọnụahịa nke ukwuu (Matiu 13:45–46; Baịbụl Igbo: “nkume dị oke ọnụahịa”), o kwukwara maka ịtụnye pieal nʼihu ezi (Matiu 7:6). Mkpughe na-agụnye pieal nʼetiti ngwa ahịa ndị ahịa, ya na ọlaedo, ọlaọcha na nkume dị oke ọnụahịa (Mkpughe 18:12), na-akọwakwa na ọnụ ụzọ ama ọbụla nke Jerusalem ọhụrụ bụ “otu nkume pieal” (Mkpughe 21:21).