Abin da Littafi Mai Tsarki ya ce game da Ragwanci

Ayoyin da masu karatu suka fi komawa gare su don wannan jigo (15), an ambace su gaba ɗaya daga Littafi Mai Tsarki, Sabon Rai Don Kowa.

K Mag 10:4Ragwanci kan sa mutum yă zama matalauci, amma aiki tuƙuru kan ba da dukiya.

2Tes 3:10Ko ma a sa’ad da muke tare da ku, mun ba ku wannan umarni cewa, “In mutum ya ƙi yin aiki, kada a ba shi abinci.”

K Mag 6:9Har yaushe za ku kwanta a can, ku ragwaye? Yaushe za ku farka daga barcinku?

K Mag 13:4Rago ya ƙosa ya sami wani abu ainun amma ba ya samun kome, amma sha’awar mai aiki tuƙuru yakan ƙoshi sosai.

Kol 3:23Kome kuke yi, ku yi shi da dukan zuciyarku, sai ka ce ga Ubangiji kuke yi, ba ga mutum ba.

K Mag 20:4Rago ba ya noma a lokacin noma; saboda haka a lokacin girbi ba ya bukata samun kome.

K Mag 6:6Ku tafi wurin kyashi, ku ragwaye; ku lura da hanyoyinsa ku zama masu hikima!

K Mag 21:25Marmarin rago zai zama mutuwarsa, domin hannuwansa sun ƙi su yi aiki.

K Mag 18:9Wanda yake ragwanci a aikinsa ɗan’uwa ne ga wanda yakan lalatar da abubuwa.

K Mag 20:13Kada ka so barci in ba haka ba za ka talauce; ka zauna a faɗake za ka kuwa kasance da sauran abinci.

K Mag 12:24Hannuwan masu aiki tuƙuru za su yi mulki, amma ragwanci kan ƙarasa a aikin bauta.

K Mag 14:23Duk aiki tuƙuru yakan kawo riba, amma zama kana surutu kan kai ga talauci kawai.

2Tes 3:11–12Mun ji cewa waɗansunku suna zaman banza. Ba sa aikin kome; sai shisshigi kurum. Irin waɗannan mutane muna ba da umarni muna kuma gargaɗe su cikin Ubangiji Yesu Kiristi su natsu su kuma nemi abincin da suke ci.

K Mag 22:13Rago kan ce, “Akwai zaki a waje!” Ko kuma “Za a kashe ni a tituna!”

K Mag 19:15Ragwanci kan jawo zurfin barci, mutum mai sanyin jiki kuma yana tare da yunwa.

Waɗannan ayoyi ne da masu karatu suka fi komawa a wannan batu — ba koyarwa a kansa ba. Karanta kowanne a cikin surarsa.

Tushe

Ayoyin kowane jigo da tsarinsu: bayanan jigogi na OpenBible.info, bisa ƙuri’un masu karatu: OpenBible.info · CC BY 4.0

Littafi Mai Tsarki, Sabon Rai Don Kowa · © 2009, 2020 Biblica, Inc., CC BY-SA 4.0; changed: footnotes, headings and the letters over Psalm 119 left out, verses in the app's numbering. The original work by Biblica, Inc. is available for free at www.biblica.com and open.bible.