Muling itinayo ni Nebucadnezar ang Babilonia nang napakarangya. Ang Tarangkahan ni Ishtar nito, na nababalutan ng asul na laryong may glasura at ng mga hanay ng toro at dragon, ay muling binuo mula sa mga nahukay na piraso sa Berlin.
Ensiklopedya › Samantala sa mundo
Sa Biblia · 587/586 BC · Jerusalem
Ang pagbagsak ng Jerusalem
Pumasok sa Jerusalem ang hukbo ng Babilonia ni Nebucadnezar, sinunog ang templo at dinalang bihag ang bayan.
2 Hari 25:1–21
Nangyari ito na sa ika-siyam na taon ng paghahari ni Haring Zedekias, sa ika-sampung buwan, at sa ika- sampung araw ng buwan, dumating si Nebucadnezar hari ng Babilonia kasama ng lahat ng kaniyang hukbo laban sa Jerusalem. Nagkampo siya sa harap nito, at nagtambak ng lupa sa paligid ng mga pader. Kaya kinubkob nila ang lungsod hanggang sa ika-labing isang taon ng paghahari ni Haring Zedekias. Sa ika-siyam na araw ng ika-apat na buwan ng taong iyon, napakatindi ng taggutom sa lungsod kung kaya't walang pagkain para sa mga mamamayan ng lupain. Pagkatapos pinasok ang lungsod, at kinagabihan tumakas ang lahat ng mga lumalaban na kalalakihan sa gabi sa pamamagitan ng tarangkahan sa pagitan ng dalawang pader, sa may hardin ng hari, kahit na nasa buong paligid ng lungsod ang mga Caldean. Pumunta ang hari patungo sa Araba. Pero hinabol ng hukbo ng mga Caldean si Haring Zedekias at inabutan siya sa mga kapatagan ng lambak ng Ilog Jordan malapit sa Jerico. Lahat ng kaniyang hukbo ay nagkaniya-kaniyang takas palayo mula sa kaniya. Binihag nila ang hari at dinala siya sa hari ng Babilonia sa Ribla, kung saan hinatulan siya nila. Tungkol sa mga anak na lalaki ni Zedekias, pinatay nila sila sa harap ng kaniyang paningin. Pagkatapos dinukot niya ang kaniyang mga mata, ginapos sa mga tansong tanikala, at dinala siya sa Babilonia. Ngayon sa ika-limang buwan, sa ika-pitong araw ng buwan, na nasa ika-labing siyam na taon ng paghahari ni Nebucadnezar hari ng Babilonia at pinuno ng kaniyang mga tanod, dumating sa Jerusalem si Nebuzaradan, isang lingkod ng hari ng Babilonia. Sinunog niya ang tahanan ni Yahweh, ang palasyo ng hari, at ang lahat ng mga bahay sa Jerusalem; sinunog din niya ang bawat mahalagang gusali sa lungsod. Tungkol sa lahat ng mga pader na nakapaligid sa Jerusalem, winasak ang mga iyon ng lahat ng hukbo ng mga taga-Babilonia na nasa ilalim ng pinuno ng mga tanod. Tungkol sa nalalabing mga tao na naiwan sa lungsod, ang mga sumuko sa hari ng Babilonia, at ang nalalabi sa populasyon - itinapon sila ni Nebuzaradan, ang pinuno ng tanod. Pero iniwan ng pinuno ng tanod ang ilan sa pinakamahihirap ng bayan para gumawa sa mga ubasan at mga bukirin. Tungkol sa mga haliging tanso na nasa tahanan ni Yahweh, at ang mga patungan at ang tansong dagat na nasa tahanan ni Yahweh, pinagpira-piraso ang mga iyon ng mga Caldean at dinala ang tanso sa Babilonia. Ang mga palayok, pala, lalagyan ng abo, kutsara, at lahat ng mga kagamitang tanso na ginamit ng mga pari para maglingkod sa templo - tinangay rin ng mga Caldean lahat ng mga iyon. Ang mga palayok para alisin ang mga abo at ang mga hugasan na gawa sa ginto, at ang mga gawa sa pilak - kinuha rin ang mga iyon ng kapitan ng bantay ng hari. Ang dalawang haligi, ang dagat, at ang mga patungan na ginawa ni Solomon para sa tahanan ni Yahweh ay naglalaman ng tanso na higit pa kaysa kayang timbangin. Ang taas ng isang haligi ay labing walong siko, at isang tansong kapitel sa ibabaw nito. Ang kapitel ay tatlong siko ang taas, na may mga sala-salang palamuti at mga granada sa paligid ng kapitel - lahat gawa sa tanso. Ang ikalawang haligi at ang sala-salang palamuti nito ay kapareho ng una. Binihag ng pinuno ng tanod si Seraya, ang punong pari, kasama ni Zefanias, ang ikalawang pari, at ang tatlong bantay ng tarangkahan. Mula sa lungsod, binihag niya ang isang opisyal na tagapamahala ng mga sundalo, at limang lalaki sa mga tagapayo ng hari, na nasa lungsod pa. Binihag niya rin ang opisyal ng hukbo ng hari na namamahala sa pangangalap ng mga lalaking papasok sa hukbo, kasama ang animnapung mahahalagang lalaki mula sa lupain na nasa lungsod. Pagkatapos kinuha sila at dinala ni Nebuzaradan, ang pinuno ng tanod, sa hari ng Babilonia sa Ribla. Ipinapatay sila ng hari ng Babilonia sa Ribla sa lupain ng Hamat. Sa ganitong paraan, naitinapon ang Juda mula sa lupain nito.Samantala sa mundo
Sinakop ni Nebucadnezar ng Babilonia ang Jerusalem noong 597 BC at winasak ito noong 587 o 586 BC (pinahihintulutan ng mga sanggunian ang dalawa). Ibinibigay pa nga ng isang tapyas ng kronika ng Babilonia ang araw ng unang pagsakop: ang ika-2 ng Adar, sa kalagitnaan ng Marso 597 BC. Narito ang mundo sa mga taong iyon.
Mesopotamia at Malapit na SilanganAng Babilonia ni Nebucadnezarmga 575 BC
Gresya at RomaAng eklipse ni Thales28 Mayo 585 BC
Isinasalaysay ni Herodotus na hinulaan ng pilosopong si Thales ng Mileto ang isang eklipse ng araw na nagpahinto sa isang labanan ng mga Lidio at mga Medo; itinatakda ito ng mga astronomo sa 28 Mayo 585 BC. Pinagtatalunan kung talagang hinulaan ito ni Thales.
Mesopotamia at Malapit na SilanganAng mga unang baryamga 630–600 BC
Sa Lidia, sa kanlurang Turkiya ngayon, ginawa ang mga unang barya mula sa electrum, isang likas na halo ng ginto at pilak, na may tatak na ulo ng leon. Bago noon, tinitimbang ang pilak, gaya ng ipinapaalala ng salitang siklo (shekel), “timbang”.
EhiptoFaraon Neconaghari 610–595 BC
Si Faraon Neco II, na pumatay kay Haring Josias sa Megido (2 Mga Hari 23:29), ay nagsimula ng isang kanal mula sa Nilo hanggang sa Dagat na Pula. Iniulat din ni Herodotus na ang mga mandaragat na isinugo niya ay naglayag paikot sa Aprika.
Silangang Europa at ang steppeMga lungsod na Griyego sa Dagat na Itimmga 600 BC
Nagtatag ang mga Griyego mula sa Mileto ng mga bayang pangkalakalan sa hilagang baybayin ng Dagat na Itim: ang Panticapaeum, ang Kerch sa Crimea ngayon, noong mga 600 BC, at ang Olbia malapit sa bunganga ng Timog Bug sa Ukranya ngayon. Ipinagpapalit nila ang alak at langis ng olibo sa butil at isda.
IndiaLabing-anim na dakilang kaharianmga 600 BC
Sa hilagang India, labing-anim na kaharian at republika, ang mga Mahajanapadas, ang lumago sa paligid ng mga bagong lungsod sa tabi ng Ganges at ng mga sangang-ilog nito. Isa sa mga ito, ang Magadha, ang kalaunan ay naging ubod ng mga unang dakilang imperyo ng India.
