Ebe (ihe ịma nkume)

Ndị ọzụzụ atụrụ bụ ndị mbụ ji ebe chụpụ anụ ọhịa site nʼigwe atụrụ ha, ọ ghọkwara ngwa agha nʼihi na ọ dị mfe nke ukwuu: eriri abụọ nwere obere akpa nʼetiti ha, na nkume dịgasị nʼala. Onye na-ama ebe na-atụgharị ya gburugburu isi ya, hapụ otu eriri. Onye mụrụ ịma ebe nke ọma pụrụ ịtụpụ nkume ruo ihe dị ka mita 180 (ụkwụ 600), ọ pụkwara ịma ya elu nʼebe ndị na-agbachitere obodo nọ nʼelu mgbidi. Ịma ya nke ọma chọrọ ogologo mmụta: Benjamin nwere narị ndị ikom asaa na-eme aka ekpe, ndị “nwere ike iji okwute mata otu agịrị isi, ghara ịmahie ya” (Ndị Ikpe 20:16).

Devid pụrụ izute Golaịat ji mkpanaka onye ọzụzụ atụrụ ya, nkume ise dị mụrụmụrụ si nʼiyi na ebe ya, nkume ahụ makwara onye Filistia ahụ nʼegedege ihu (1 Samuel 17:40, 49). Emesịa, eze Ụzaya nyere ndị agha ya niile nkume ebe (2 Ihe E Mere 26:14). Ndị ọkà mmụta ihe mgbe ochie na-achọta nkume ebe nʼọtụtụ narị — okirikiri nkume flint maọbụ nkume limestone ha ka bọọlụ tenis — nʼobodo e nọchibidoro dịka Lakish.