Mtakatifu Mtawa Martiniani

Martiniani alikwenda akiwa na miaka kumi na minane kuishi kama mkaa-pweke kwenye mlima karibu na Kaisaria ya Palestina na alitumia miaka ishirini na mitano huko. Maisha yake yanasimulia kwamba kahaba aitwaye Zoe alikuja kwenye chumba chake usiku wa dhoruba akijifanya msafiri aliyepotea. Ili kushinda jaribu alishika moto na kusimama ndani yake bila viatu hadi mwili wake ukaungua. Zoe alitubu, akaenda jumuiya ya Mtakatifu Paula Bethlehemu na kuishi huko kama mtawa wa kike.

Martiniani alihamia mwamba mtupu baharini. Meli ilipovunjika huko, aliyenusurika peke yake, msichana aitwaye Fotinia, alibaki mwambani kama mkaa-pweke, naye akaondoka; Maisha yanasema kwamba pomboo wawili walimbeba hadi ufuoni. Alitumia maisha yake yote yaliyobaki akizunguka, alitembelea miji mia moja sitini na minne, na akafa Athene, karibu mwaka 422.