Mfiadini Theodosia, bikira

Theodosia alikuwa mwanamke kijana kutoka Tiro aliyeweka nadhiri ya kubaki bila kuolewa kwa ajili ya Mungu. Kulingana na mwanahistoria wa kanisa Eusebio, aliyekuwa Palestina wakati huo, alikuja Kaisaria wakati wa mateso chini ya warithi wa Maliki Diokletiani na akaona wafungwa Wakristo wamefungwa mbele ya mahakama ya gavana. Aliwasalimu na kuomba sala zao. Kwa sababu hii alikamatwa na kuletwa mbele ya gavana.

Aliteswa kwa kulabu za chuma kisha, akiwa bado hai, akatupwa baharini, kwa dhahiri tarehe 2 Aprili, mwaka 307 au 308 kulingana na simulizi tofauti; Butler anatoa umri wake kama chini ya miaka kumi na minane. Kumbukumbu yake inaadhimishwa tarehe 3 Aprili katika kalenda ya Juliani na inajulikana Roma, Konstantinopoli na kwingineko.