Mtakatifu Mtawa Simeoni, mkaa nguzoni, kwenye Mlima wa Ajabu

Simeoni alizaliwa Antiokia mwaka 521 kwa wanandoa Wakristo. Kulingana na Maisha yake, kuzaliwa kwake kulitabiriwa kwa mama yake, na tetemeko la ardhi lililoupiga mji alipokuwa mtoto mdogo lilimwua baba yake. Akiwa na miaka saba alikwenda mlimani karibu na Antiokia na, kwa simulizi la Maisha, alipanda nguzo kando ya ile ya Abate Yohana. Baadaye alikaa kwenye 'Mlima wa Ajabu', ambako alianzisha monasteri na aliishi juu ya nguzo hadi mwisho wa maisha yake.

Alipewa upadri akiwa na miaka thelathini na mitatu. Maisha yake yanasimulia juu ya uponyaji na juu ya kutabiri kwake tetemeko la pili la ardhi Antiokia. Alikufa huko mwaka 596 akiwa na umri wa miaka sabini na mitano.