Mtakatifu Mtawa Demetrio wa Priluki, wa Vologda

Demetrio alitoka Pereslavl-Zalessky na akachukua nadhiri za kitawa huko katika monasteri ya Nagorny ya Watakatifu Boris na Gleb, baadaye akawa padri. Mara nyingi alimtembelea Mtakatifu Sergio wa Radonezh, aliyeanzisha monasteri ya Utatu, kuzungumza naye juu ya jinsi ya kuendesha monasteri yenye maisha ya pamoja. Demetrio alijenga kanisa la Mtakatifu Nikolao kwenye ufuo wa Ziwa Pleshcheyevo huko Pereslavl na akawa abate wa jumuiya iliyokusanyika huko, akiipa kanuni kali ya pamoja.

Ili kuikwepa sifa, aliondoka kwenda Vologda na akachagua mahali tulivu kwenye kona ('luka') ya mto Vologda, ambako alianzisha monasteri ya Mwokozi ya Priluki. Wanafunzi wake wengi walimfuata huko kutoka Pereslavl. Alikufa tarehe 11 Februari 1392.