Askofu Mtakatifu Trifilio, Askofu wa Lefkosia ya Kipro

Trifilio alizaliwa Konstantinopoli na alisoma sheria na fasihi huko Beryto (Beirut). Akawa mwanafunzi wa Spiridoni wa Trimithunti na, wakati wa Konstansio wa Pili, askofu wa Lefkosia (Nikosia ya leo) huko Kipro. Maisha yake yanasimulia kwamba mara moja, alipokuwa akitembea na Spiridoni kupita mashamba ya mizabibu ya Parimna, alitamani kumiliki moja, na Spiridoni, akisoma wazo lake, alimgeuzia kwenye hazina zisizopita.

Mwanahistoria Sozomeni anasimulia kwamba Trifilio, msemaji hodari, alipohubiri mbele ya mtaguso wa maaskofu wa Kipro na kubadilisha neno la kawaida la Injili «kitanda» kwa neno maridadi zaidi, Spiridoni aliuliza kama yeye ni bora kuliko Yule aliyesema «kitanda», na akatoka kanisani. Trifilio alikufa karibu mwaka 370.