Wafiadini Eliya, Probo na Ari, Wamisri

Eliya, Probo na Ari walikuwa Wakristo wa Misri ambao, karibu mwaka 308, katika mateso ya Maksimini Daya, walijitolea kuwasaidia Wakristo wenzao waliohukumiwa kwenda migodi ya Kilikia. Mwanahistoria Eusebio wa Kaisaria, aliyeishi katika miaka hii, anasimulia kwamba walikamatwa kwenye malango ya Askaloni, kwenye pwani ya Palestina, pamoja na wengine waliosafiri nao. Baadhi ya kundi hilo walipofushwa au kulemazwa na kupelekwa migodini; Ari alichomwa akiwa hai, na Probo na Eliya wakakatwa vichwa.