Wafiadini Amfiano na Edesio

Amfiano na Edesio walikuwa ndugu kutoka Patara huko Likia, waliozaliwa katika familia ya kipagani. Baada ya kusoma Beryto (Beirut) waliondoka nyumbani kwa siri, wakaja Kaisaria ya Palestina na kubatizwa na kasisi Pamfilo, aliyekufa baadaye pia kishahidi.

Wakati wa mateso chini ya Maliki Maksimini, Amfiano, ambaye hajafikia miaka ishirini, alishika mkono wa gavana Urbani alipokuwa akitoa dhabihu na kumhimiza aache sanamu. Aliteswa na kutupwa baharini akiwa amefungwa jiwe tarehe 2 Aprili 306. Ndugu yake Edesio alihukumiwa kwenda migodi ya shaba na baadaye, Aleksandria, alimpiga hakimu Hierokle kwa ukatili wake kwa Wakristo; alizamishwa kwa njia hiyo hiyo.