Mfiadini Sabino

Sabino alikuwa mtu mashuhuri na hakimu wa Hermopoli huko Misri. Mateso chini ya Diokletiani yalipoanza, aliacha nyumba yake, wadhifa na utajiri na akajificha pamoja na Wakristo wengine sita katika nyumba ndogo katika kijiji cha mbali, akitumia siku zake kwa kufunga na kusali.

Ombaomba ambaye Sabino alikuwa akimpa chakula alimsaliti kwa sarafu mbili za dhahabu. Sabino alifungwa kwa minyororo miwili mizito na kuletwa mbele ya gavana Ariani, aliyemfanya achanwe kwa chuma na kuchomwa. Mwishowe alizamishwa mtoni, mwaka 287; wale sita waliokamatwa pamoja naye pia walikufa.