Watakatifu Watawa Ksenofoni, mke wake Maria na wana wao Arkadio na Yohana

Ksenofoni alikuwa seneta wa Konstantinopoli, akiishi na mkewe Maria maisha ya Kikristo ya utulivu, pengine katika karne ya 5 au 6. Walituma wana wao wawili, Yohana na Arkadio, kusoma Beryto huko Foinike, maarufu kwa shule zake. Katika safari meli ilivunjika; ndugu hao, kila mmoja akishikilia ubao, walitupwa ufuoni mahali tofauti, na kila mmoja aliamini mwingine amezama. Kila mmoja wao akawa mtawa katika Palestina.

Miaka miwili baadaye wazazi walijua kilichotokea na walienda Yerusalemu kusali. Kulingana na Maisha yao, huko walimkuta kwanza mwana mmoja kisha mwingine, sasa watawa, na ndugu wakakutana tena. Ksenofoni na Maria kisha waligawa mali yao na wao wenyewe wakawa watawa, yeye katika monasteri karibu na Yerusalemu naye katika jumuiya ya wanawake.