Mtakatifu Mtawa Nilo, mfungaji

Nilo alizaliwa Konstantinopoli katika familia mashuhuri, alielimika vizuri na akawa mkuu wa mji. Alioa na alikuwa na mwana, Theodulo, na binti. Akisumbuliwa na maovu ya ikulu, aliacha maisha ya umma, na, kulingana na Maisha yake, alikaa kwenye Mlima Sinai, ambako aliishi katika pango kwa miaka arobaini na kuwapa ushauri wageni wengi.

Alimwandikia maliki Arkadio kumkemea kwa kumpeleka Yohana Krisostomo uhamishoni. Wavamizi walipowashambulia wakaa-pweke wa Sinai, wakiwaua baadhi na kumchukua Theodulo, askofu wa Emesa alimkomboa kijana huyo na kumfanya mwanakasisi; Nilo alikuja Emesa kumtafuta na akapewa upadri huko kinyume na matakwa yake. Alikufa katika karne ya 5.