Wafiadini Eutropio, Kleoniko na Basilisko

Eutropio, Kleoniko na Basilisko walikuwa wenzake wa mfiadini Theodoro Askari Mpya (Tiro) huko Amasea katika Ponto. Eutropio na Kleoniko walikuwa ndugu kutoka Kapadokia; Basilisko alikuwa mpwa wa Theodoro. Watatu waliitana ndugu na waliapa kamwe kutotengana. Baada ya kifo cha Theodoro walibaki gerezani.

Chini ya Maksimiani gavana mpya, Asklepiodoto, alisoma kumbukumbu za kesi ya Theodoro na akawaita marafiki zake. Baada ya mateso Eutropio na Kleoniko walisulubiwa nje ya mji tarehe 3 Machi, karibu mwaka 308; raia wawili wa Amasea waliwazika vijijini mwao. Gavana alimzuia Basilisko makusudi ili marafiki wasife pamoja. Alikatwa kichwa baadaye chini ya gavana mwingine na anakumbukwa pia tarehe 22 Mei.