Mfiadini Isidori

Isidori, mzaliwa wa Aleksandria, alikuwa kijana mwenye nguvu aliyeishi katika kisiwa cha Chios wakati, katika mwaka wa kwanza wa Maliki Decio, karibu mwaka 251, kamanda Numerio alipokuja kukusanya wanajeshi na kumwandikisha jeshini. Maliki alipowaamuru askari wamtolee miungu dhabihu, akida aitwaye Julio alimshtaki kuwa Mkristo.

Mateso yake yanasimulia kwamba baada ya kukataa na kuteswa, alikatwa kichwa na mwili wake ukatupwa bila kuzikwa, lakini rafiki yake Amonio alimzika kwa siri; Amonio baadaye aliuawa kishahidi Kiziko. Baada ya mateso kanisa lilijengwa juu ya kaburi la Isidori huko Chios.