Paring Martir Clemente, Obispo ng Ancira, at Martir Agatangelo

Si Clemente ay isinilang sa Ancira sa Galacia sa paganong ama at Kristiyanang inang si Eufrosina, na nagpalaki sa kaniya sa pananampalataya. Ayon sa kaniyang Talambuhay, ginawa siyang obispo ng Ancira nang hindi pa siya lampas dalawampu. Sa pag-uusig ni Diocleciano ay isinumbong siya at ipinadala mula sa isang hukom patungo sa isa pa: sa Roma, sa Nicomedia, sa Tarso at pabalik sa Ancira.

Sa Roma ay sumama sa kaniya ang isang batang Kristiyano, si Agatangelo, at nagbahagi ng kaniyang pagkabilanggo at mga pagpapahirap; siya ay pinugutan kalaunan ng ulo. Sinasabi ng Talambuhay ni Clemente na ang kaniyang mga paglilitis ay tumagal ng dalawampu't walong taon. Sa wakas ay pinugutan siya ng ulo c. 312 habang nagdiriwang ng Liturhiya sa isang Linggo sa isang simbahang yungib malapit sa Ancira, kasama ng dalawa sa kaniyang kaparian, at inilibing sa tabi ni Agatangelo.