Paring Martir Hieroteo, Obispo ng Atenas

Si Hieroteo ay kilala lamang mula sa tradisyon. Sinasabi nito na siya ay kasapi ng Areopago sa Atenas, nahikayat ng Apostol na si Pablo at naging obispo ng Atenas, at siya ang guro ni Dionisio ang Areopagita, na sumipi ng kaniyang mga himno sa mga akdang may kaniyang pangalan.

Isinasalaysay ng kaniyang Talambuhay na naroon siya kasama ng mga apostol sa paglilibing sa Ina ng Diyos at umawit ng mga himno habang dinadala ang kaniyang katawan sa libingan. Namatay siya noong ika-1 siglo; tinatawag siyang martir ng tradisyon.